Vedtak
1. Sogndal kommune vedtek med heimel i Plan og bygningslova §12-12 «Detaljreguleringsplan for Hove, rev 03.11.2025» slik den ligg føre.
Vedtaket vert grunngjeve med at planframlegget byggjer på tilstrekkelege utgreiingar, er gjennomarbeida og legg opp til gode løysingar for tilrettelegging av nye bustader i tråd med arealføremål og intensjonar i overordna plan. Samstundes er natur-, og kulturminneverdiar teke godt i vare, og konsekvensar for omgjevnadene er akseptable. Det vert ut over dette vist til vurderingar i saksutgreiinga.
Føremålet med planen er å legge til rette for ny bustadbygging. Planen regulerer området til bustadføremål – blokker, bustader-frittliggande småhus, uteopphaldsareal, kommunaltekniske anlegg, naturområde og ulike føremål knytt til samferdsleanlegg og teknisk infrastruktur.
Saksutgreiing og alle plandokument finn du under politiske møte - møte i kommunestyret 27.11.2025 i sak PS 85/2025: «Detaljregulering for Hove – vedtak av plan». Den vedtekne reguleringsplanen er med det bindande for arealbruken innfor planområdet.
Rett til innløysing og erstatning
For reguleringsplanar er det etter Plan og bygningslova §§15-2 og 15-3 reglar der grunneigar har rett til å krevja innløysing og erstatning. Frist for å fremja krav etter desse paragrafane er seinast 3 år etter at planen er vedteken og gjort kjent.
Klageadgang
For reguleringsplanar er det klagerett for dei med partsinteresse i saka. Du kan då klage på dette vedtaket etter Plan og bygningslova §§1-9, 12—4 og Forvaltningslova § 28. Klagefrist er minimum tre veker frå kunngjering av vedtaket, i denne saka sett til 05.01.2026.
Klage skal sendast til postmottak@sogndal.kommune.no eller til Postboks 153, 6851 Sogndal
Dersom det er noko som er uklårt, ein ynskjer å få nærare informasjon eller ta opp ulike sider av saka er det berre å ta kontakt med
Arne Abrahamsen
Tlf: 95824895