Vedtak:
Utval for plan- og samfunn vedtek å legge Detaljreguleringsplan for Stedjevegen, plan-ID: 4640-2024001 ut til offentleg ettersyn og sende denne på høyring i samsvar med Plan- og bygningslova §12-10.
Kort om planforslaget
Planen er fremja av Stedjevegen AS og Arkitektkontoret 4B og Norconsult er plankonsulentar. Føremålet med planen er å legge til rette for forretning, kontor, tenesteyting og bustader med tilhøyrande uteopphaldsareal, friområde og infrastruktur.
Plankart
3D-illustrasjon
Ein gjer merksam på at illustrasjonar som er vedlagt saka er retningsgjevande, og at gjennomføring av planen kan avvike frå dette. Det er plankart og føresegner som vert juridisk bindande for framtiding arealbruk når planen vert vedteken.
Plandokument med tilhøyrande utgreiingar finn ein ved å gå inn på kommunen si nettside for politiske saker, møte i Utval for plan og samfunn 03.12.2025, og så på sak 40/2025. Dokumenta er vedlegg til saksutgreiinga til utvalshandsaminga. Her finn ein også saksprotokollen med vedtaket i utvalet. Dersom ein treng hjelp med å få tilgang til dokumenta eller ynskjer å sjå dokument på papir kan ein ta kontakt med innbyggartorg i kommunen. Offentleg ettersyn/høyring vert også kunngjort i Sogn Avis og på kommunen si nettside under kunngjeringar.
Frist for uttale
Det er ut i frå dette høve til å komme med uttale til planforslaget. Uttale må vere skriftleg og kan bli sendt til postmottak@sogndal.kommune.no eller til postboks 153, 6851 Sogndal. Frist for uttale er sett til 23.01.2026.
Dersom du lurer på noko er det berre å ta kontakt med
Arne Abrahamsen
telefon 95824896
e-post arne.abrahamsen@sogndal.kommune.no