Formålet er å kunne bidra til at anleggsbygginga kan kome raskare i gang ved godkjend spelemiddelsøknad – og dermed gje frivillige lag og organisasjonar eit insentiv til å kome i gang med prosjekt så når dei veit at finansiering av kome raskare ved at spelemidlar blir forskottert.

Alle som har søkt om spelemidlar kan sende inn søknad om forskottering mellom 15. januar og 15. april. 15. april får søkar og kommunen svar på om søknadane er godkjend eller ikkje. Etter svaret vil dei som har søkt om forskottering få svar på sin søknad og vedtak om utbetaling blir gjort så fort som mogleg. Dersom det er midlar igjen innafor ramma opnast det for fortløpande søknadar etter 15. april.

Administrasjon har delegert mynde til vedta forskotteringane og prioriteringslista av handlingsprogrammet som vedtakast i kommunestyret kvart år skal følgast. Ramma er på seks millionar pr. år.

Ta kontakt dersom du har spørsmål om ordninga!

Retningslinene for tildeling

Alle søkarar må ha godkjend spelemiddelsøknad av kommune og fylkeskommune.

Nærmiljøanlegg blir prioritert over ordinære anlegg.

Prioriteringslista av spelemiddelsøknadane som er vedteken av kommunestyret kvart år følgast i prioritering av forskottering.

Ein søkar kan motta forskottering for eit anlegg fleire gonger.

Ein søkar kan motta forskottering for fleire anlegg samtidig.

Vilkår for forskotteringslån

  • Maksimalt forskotteringsbeløp til ein søknad i løpet av eitt år er 2 millionar kroner.
  • Ordinære anlegg har renter på forskotteringslånet som betalast på lik line med kommunalt lån.
  • Nærmiljøanlegg har rentefri forskottering.
  • Lånet er avdragsfritt fram til lånetakar mottek utbetaling frå Vestland fylkeskommune. 
  • Dersom tilsegnsbeløp frå fylkeskommunen er mindre enn tidlegare utbetalt forskotering, må søkjar betale tilbake resterande beløp innan 3 månader etter tilsegn er gjeve frå fylkeskommunen og beløpet er kjent.  

Meir detaljert låneavtale, med vilkår utarbeidd av Sogndal kommune, skal signerast ved tilsegn på forskottering før utbetaling av midlane. 

Slik søkjer du om forskottering

  1. Søknaden sendast på e-post til postmottak@sogndal.kommune og kopi til ingrid.mork.veland@sogndal.kommune.no. Merk med: Forskottering av spelemidlar og anleggsnr.
  2. Søknaden må innehalde:
    1. Søknadsnummer på spelemiddelsøknaden
    2. Namn på anlegg og anleggsnr.
    3. Kort forklaring på kvifor det er viktig å få forskottering, samt ein enkel framdriftsplan.