Målet med opprydding i område med forureina grunn er at det skal bli trygt for menneske som oppheld seg der, og ikkje skada miljøet.
Terrenginngrep i grunn som er forureina, auka risikoen for at menneskje blir eksponert for forureininga, og at forureininga spreier seg i miljøet. Det er difor naudsynt å rydde opp i forureininga før det vert bygd og/eller fylla ut på ei tomt.
Ved bygging og graving pliktar tiltakshavar å undersøkja om det er forureina grunn i området, og å gjere tiltak jf. forureiningsforskrifta §§ 2-4 og 2-5. Om grunnen er forureina skal tiltakshavar utarbeida ein tiltaksplan som skal godkjennast av kommunen før terrenginngrepet tek til jf. forureiningsforskrifta § 2-6.
Døme på aktivitetar som kan ha ført til forureina grunn:
- Eigedomen har vore nytta til industri eller avfallshandtering
- Eigedomar der det har vore gjort rivingsarbeid eller rehabilitering av bygningar
- Eigedomar der det har vore brann
Miljødirektoratet sitt faktaark om «Grunnforurensing – bransjer og stoffer M-813 / 2017» gjev informasjon om mogleg grunnforureining som kan oppstå.
Databasen Grunnforureining syner eigedommar der det er registrert eller mistanke om forureining i grunnen.
Som tiltakshavar må du hugse å:
- Vurdere om det kan vere forureina grunn
- Undersøkje om det kan vere forureina grunn
- Utarbeide tiltaksplan for opprydding
- Sende inn tiltaksplan til kommunen for godkjenning
- Sende inn rapport til Grunnforurensing ved gjennomføring av tiltaket
Miljødirektoratet sine sider gjev god informasjon og rettleiing om forureina grunn