Fritidskasse – Sogndal kommune 

Kva er Fritidskassa? 

Fritidskassa er ei økonomisk støtteordning som skal bidra til at fleire barn og unge kan delta i faste, organiserte fritidsaktivitetar. 
Idrettslag og frivillige organisasjonar kan søkje på vegner av barn og ungdom som treng støtte til å dekke kostnader. 

Dette kan du få støtte til: 

  • Medlemskontingent 
  • Utstyr 
  • Avgifter til turneringar, cupar og leirar 
  • Reise- og opphaldsutgifter i samband med aktiviteten 
  • Fleksibillett/klippekort til t.d. Lustrabadet eller Vesterland.  

I 2026 er ordninga finansiert av Bufdir (Inkludering av barn og unge), Sparebankstiftinga og Luster sparebank. 

Midlane blir utbetalt til laget eller organisasjonen – ikkje direkte til familiane. 

  • For lag og frivillige organisasjonar

    Når økonomi kan vere ein barriere 

    Trur laget eller organisasjonen at økonomi står i vegen for deltaking, bør de informere familien om at Fritidskassa kan nyttast. 
    Trenar/aktivitetsleiar tek kontakt med den oppnemnde kontaktpersonen, som sender inn søknaden. 

    Anbefalingar: 

    • Utnemn ein fast kontaktperson som søkjer på vegner av medlemmar 
    • Informer trenarar, leiarar og frivillige om ordninga 
    • Informer medlemmar og foresette 
    • Søk når familiar eller unge tek kontakt om økonomiske utfordringar 
    • Les retningslinjene og ivareta teieplikt 
  • For foresette, barn og unge
    • Ta kontakt med idrettslaget eller organisasjonen som tilbyr aktiviteten, og sei at du/ditt barn ønskjer å bruke Fritidskassa. Lag/organisasjon vil hjelpe dykk med søknaden. 
    • Helsesjukepleiar og andre kommunetilsette kan også hjelpe deg med å finne aktivitetar i nærmiljøet og med å formidle behov for støtte til aktuelt lag/organisasjon. 


    Dersom familien får ytingar frå NAV 

    Det kan òg vere mogleg å få støtte til fritidsaktivitetar gjennom NAV. 
    NAV vurderer blant anna utgifter til fritid, telefon/internett, transport og helse som ein del av livsopphaldet, og tek særleg omsyn til barn og unge sine behov. 

  • Anna aktuell informasjon

    Utstyrssentralar 

    Sogndal kommune har utstyrssentralar i: 

    • Balestrand 
    • Leikanger 
    • Sogndal  

    Her kan du låne utstyr heilt gratis. 

    Aktivitetsoversikt 
    På nettsida Vi Fritid | Sogndal  finn du oversikt over aktivitetar, info om utstyrssentralane, informasjon på fleire språk og nyttige lenker. 

    Andre støtteordningar 
    Sogn kulturskule og fleire lag og organisasjonar har også eigne støtteordningar som inkluderingsfond og fritidsmidlar.  

Retningslinjer

Fritidskassen i Sogndal har som føremål å leggje til rette for at fleire barn og unge kan delta i faste, organiserte fritidsaktivitetar. Målgruppa er barn og unge busette i Sogndal kommune i alderen 0–24 år, som har behov for økonomisk stønad for å delta i faste, organiserte fritidsaktivitetar. 
For å nå flest mogleg, blir det i hovudsak gitt stønad til éin fast årleg aktivitet per person.

Kven kan søkje?

Berre idrettslag, frivillige organisasjonar og Sogn kulturskule kan søkje på vegner av barn, unge og familiar. Privatpersonar kan ikkje søkje sjølve. Idrettslag og frivillige organisasjonar skal peike ut ein eller to faste kontaktpersonar som søkjer på vegner av laget/organisasjonen.

Kva kan det søkjast om?

  • Medlemskontingent, lisens, trenings- og aktivitetsavgift
  • Kostnader til nødvendig utstyr (klede, sko, ski, sport- og aktivitetsutstyr m.m.)
  • Leirar og cupar
  • Reise, transport og måltid i samband med cup/leir
  • Fleksibillett/klippekort til t.d. Lustrabadet eller Vesterland. (Lista er ikkje uttømmande og kan endrast gjennom året.)

Det kan ikkje søkjast om stønad til:

– Medlemskap på treningssenter
– Skulefritidsordning
– Lommepengar ved reise

Kor mykje kan det søkjast om?

  • Medlemskontingent, lisens og trenings-/aktivitetsavgift: inntil 5 000 kr per år
  • Utstyr: inntil 2 000 kr
  • Deltakaravgift til cup/leir: ingen maksgrense
  • Måltid/reise/transport (billigaste reisemåte): inntil 2 500 kr
  • Fleksibillett/klippekort (t.d. Lustrabadet/Vesterland): eit kort per person per år

Søknader blir vurderte individuelt. Det kan bli gitt heilt eller delvis støtte innanfor maksgrensene.

Dette må vere med i søknaden

Søknaden som blir sendt til kommunen, skal vere anonymisert. Kontaktperson som sender søknad må fylle ut følgande:

  • Namn og kontaktinformasjon for kontaktperson
  • Idrettslag/organisasjon
  • Alder på barnet
  • Type fritidsaktivitet
  • Kategori for stønad, til døme: «Deltakaravgift», «utstyr», «deltakaravgift cup/leir» og så vidare.
  • Summen det vert søkt om

Krav til ordninga

Det blir ikkje stilt krav om dokumentasjon av privatøkonomi. Ordninga er tillitsbasert. 
Lag/organisasjon må likevel kunne dokumentere at midlane er nytta i tråd med søknaden dersom kommunen ber om dette i samband med kontroll.

Kriterium for å kunne søkje

  • Idrettslag/frivillig organisasjon skal sikre trygge og gode rammer for barn og unge, og ha rutinar og etiske retningslinjer som ivaretek tryggleik. Det krevst naudsynt opplæring, referansesjekk og politiattest for dei som jobbar med barn og unge.
  • Det skal ikkje stillast krav om dokumentasjon av privatøkonomi frå foreldre/føresette eller barn/unge.
  • Lag/organisasjon skal organisere søknadsprosessen på ein måte som ikkje verkar stigmatiserande. Det skal vere klare interne rutinar for teieplikt hos trenarar og kontaktpersonar.

Søknadshandsaming

Søknadshandsaming

  • Søknader blir handsama fortløpande av kommunen.
  • Midlane blir utbetalt direkte til lag/organisasjon etter godkjend søknad.
  • Søknader skal sendast elektronisk via skjema på nettsida.
  • Søknadar blir vurderte individuelt, og beløpet det blir søkt om kan bli innvilga heilt, delvis eller avvist, innanfor dei fastsette maksbeløpa
  • Det skal sendast éin søknad per person.
  • Kvar søknad kan berre gjelde éin aktivitet/medlemskap.
  • Tilbakemelding kan ventast innan 14 dagar.

Evaluering

Ordninga blir evaluert innan desember 2026.

Kontakt

Om du har spørsmål knytt til ordninga kan du ta kontakt med:  

Jarle Teo Andersen 
Rådgivar oppvekst i Sogndal kommune 
E-post: jarle.teo.andersen@sogndal.kommune.no  
Tlf: 90856372 

Linda Mathisen 
Fritidskoordinator Sogndal kommune 
E-post: linda.mathisen@sogndal.kommune.no  
Tlf: 47507749 

Silje Fimreite
Rågjevar folkehelse
E-post: silje.fimreite@sogndal.kommune.no
Tlf: 97 19 78 10