Lesevake
5.klasse har overnatta på skulen frå torsdag 8.desember til fredag 9.desember. Me har leseprosjekt for tida, og det er julestemning i tillegg. Me rydda klasserrommet for pultar, og inn kom madrasser og dyner. Klassekontaktane stilte opp med god pizza og drikke. Me hadde ulike spel og ei fysisk økt på musikkrommet. Etterpå var det tid for julefilm og lesing med hovudlykt. Nokre sovna fort, medan andre trengte litt lengre tid. Rydding og frukost klokka 8 på mat- og helserommet. Vanleg skule frå klokka 9, men me tek helg klokka 11.30. Ei veldig kjekk stund både for ungar og vaksne!