Spelemidlar til lokale kulturarenaer

Du kan søkje om tilskot til kulturhus, fleirbrukslokale eller spesiallokale for kunst og kultur, som bibliotek, bygg for museum eller andre kulturverntiltak, scenekunstlokale, konsertsal eller formidlingslokale for biletkunst. 

Midlane kan nyttast til nybygg, ombygging og modernisering av kulturbygning, men ikkje til vedlikehald eller drift.

Ta kontakt ved spørsmål eller om du ønskjer å søke om spelemidlar til kulturbygg. Klikk her for å komme til søknadsskjema.

Frist for å sende inn søknad i 2025: 30.mars

• Frivillige lag og organisasjonar
• Andre lag, organisasjonar eller selskap som har vedtektsfesta at det ikkje vert tatt utbyte til private eigarar.
• Kommunar og fylkeskommunar.

Spelemidlane kan utgjere inntil 1/3 av godkjende prosjektkostnader for kulturbygget. Minste tilskotssum er 100 000 kr. Minste tilskotssum til tiltak som gjev universell utforming er 50 000 kr.

Eit lokalt kulturbygg kan maksimalt innanfor ein 20-årsperiode få tildelt 1,5 mill. kr. Kulturarenaer med regionale funksjonar kan maksimalt få tildelt 1,5 mill. kr til prosjekt som er støtteberettiga gjennom ordninga. 

• Vedtekter for bruken av bygget/arenaen.
• Skriftleg presentasjon av tiltaket, inkludert ei behovsvurdering, framdriftsplan og plan for bruk og drift av kulturbygget.
• Teikningar av bygget/lokala eller utandørs kulturarena.
• Dokumentasjon på rett til bruk av eigedom/anlegg i minimum 20 år, t.d. grunnbok med tinglyste rettar via Kartverket. 
• Detaljert kostnadsoverslag for tiltaket. Administrasjonskostnader kan maksimalt utgjere 5 prosent av godkjend totalkostnad.
• Finansieringsplan, som gjer greie for finansieringa av dei samla kostnadane med tiltaket. Søknaden må vere fullfinansiert.
• Dokumentasjon på finansiering kan t.d. vere gjennom
  • bankutskrift som dokumenterer eigenkapital
  • lånetilsegn
  • vedtaks-/tildelingsbrev ved tilskot
  • gåvebrev
  • dokumentasjon av dugnadsverdi signert av kvalifisert fagperson

Spelemidlane blir utbetalt etter kvart som arbeidet går framover. Du kan be om å få utbetalt delar av spelemidlane når arbeidet er godt i gang, eller når arbeidet nesten er ferdig. Alle førespurnader om utbetaling må sendast via kommunen.

Når du ber om delutbetaling, må kommunen stadfeste kor langt arbeidet har kome.

Når arbeidet er heilt ferdig, får du resten av pengane etter at du har sendt inn ferdigattest og rekneskap som er kontrollert av kommunerevisjonen. Fylkeskommunen held tilbake minst 10% av tilskotet til dei har fått den reviderte rekneskapen.