Trygg og god skjermbruk

Kommunen følgjer Utdanningsdirektoratet (UDIR) sine råd for god digital praksis og skjermbruk i skulen: 

1. Brukar sikre løysingar som ivaretek personvernet
2. Beskyttar elevane mot skadeleg innhald
3. Planlegg opplæringa av elevane sine digitale ferdigheiter (konkretisert i Sogndalsskulen sin “Kvalitetsplan for fagleg oppfølging i Sogndalsskulen”).
4. Prioriterer opplæring i digital dømmekraft. 
5. Brukar digitale verktøy og ressursar når det er hensiktsmessig
6. Involverer elevane i skulen sin digitale praksis
7. Prioriterer å utvikle den digitale kompetansen til lærarane 
8. Har dialog med føresette om skulen sin digitale praksis

Følg denne lenka for å lese meir om råda på heimesida til UDIR.

I Sogndalsskulen skal skjerm nyttast når det er hensiktsmessig i undervisninga. Det inneber at måltid og friminutt som hovudregel skal vere skjermfrie, for å gje barna pausar, sosialt samspel, leik og fysisk aktivitet. Ved måltid og i pausane kan bøker, lydbøker, musikk og liknande framleis nyttast.

Datatilsynet har laga ei rettleiing om bilete- og videotaking av barn og og deling av denne type materiale. Rettleiinga er retta til både føresette, elevar og skuletilsette. 

Denne lenka tek deg til rettleiinga.

Ny teknologi gjer til at me må ta nye omsyn og tenke oss godt om før me tek, publiserer og lagrar bilete. 

Alle må lære seg køyrereglar for kva ein kan legge ut på nett. Det er særleg viktig å respektere at andre kan ha andre grenser for kva ein vil ha liggande på nett av bilete og annan informasjon. Det er difor viktig at både skulen og heimen lærer unge å opparbeide digital dømmekraft, og er gode førebilete.

Sjekkliste frå Datatilsynet

Her er noen stikkord til hva man må vurdere før deling av barnebilder, og som vi vil gå nærmere inn på i denne veiledningen:

1. Lovlighet: Del aldri bilder av andres barn uten samtykke fra deres foresatte.
2. Type bilde: Tenk over innholdet og bruk filter eller dårligere oppløsning når det er mulig, det gjør bildene mindre interessante for andre.
3. Mengde: Del færrest mulig bilder.
4. Kanalbruk: Vær bevisst på hvordan du deler bildene. Alt må ikke ligge åpent. Bruk personverninnstillinger og lag lukkede grupper.
5. Slett jevnlig: Ta en vårrengjøring og slett tidligere bilder du har publisert med jevne mellomrom.
6. Spør alltid barna: Bruk spørsmål som "Synes du det er greit at jeg deler dette bildet med familien eller vennene mine?" Da gjør du det forståelig for dem. Respekter svaret.

Skuletilsette har eit særleg ansvar for å følgje råda og sette seg inn i reglane frå Datatilsynet og kommunen:

• Ver bevisst på både kva du tek slags bilete og mengde.
• Lagre bileta i kommunen sine interne, sikre system, ikkje i eksterne løysingar frå til dømes Dropbox, Google bilete eller andre tilbydarar. Bileta/video skal heller ikkje lagrast på privat telefon eller liknande utstyr.
• Del kun bilete/video etter føresette og barn sine samtykke. Hugs at barn ikkje er samtykkekompetente endå, så føresette må alltid spørjast. Føresette samtykkar via Visma appen “Min skole”. 
• I høve markeringar som skuleavslutning eller liknande kan føresette ta bilete som eige minne, men desse bileta skal ikkje delast (særleg ikkje via sosiale medium). 
• Slett alt bilete og videomateriale når barnet sluttar i klassen og særleg på skulen jmf. retten til å verte sletta etter personvernlovgivninga