Gjennomført samling om "Best på oppvekst"

I samlinga fekk publikum innblikk i korleis samhandlinga mellom tenestene for barn og unge kan bli endå betre av Ole Gunnar Krakhellen. Guttorm Helgøy fortalde om kor viktig venskap er for barna, og stilte spørsmål ved korleis me definerer utsette barn. Mari Engesæter heldt eit engasjerande innlegg om at kvalitet i barnehagen er avhenging av god nok bemanning. Ho spelte også opp til å dra vekslar mellom høgskulen og praksisfeltet, kanskje ved å tilby delte stillingar? Jorun Felde uttrykte kor viktig overgangane frå ungdomsskule til vidaregåande og ut i lære eller arbeid er, og at at me må legge til rette for at tilflyttande ungdomar har ei god skule- og studietid i Sogndal.

Denne filmen om venskap vart vist under innlegget til Guttorm Helgøy:

I panelsamtalen tok fleire frå salen ordet. Leiaren i ungdomsrådet, Kornelius Haugen, sa ifrå om kor viktig det er at ungdom har møteplassar, og Steinar Øydvin frå utdanningsforbundet peika på at god språkopplæring er viktig for at minoritetsspråklege barn skal lukkast i skulen og vidare i livet.

I videoruta under kan du sjå opptak av møtet, filma av Kent Fimreite i Hallo Sogn:

Sogndal kommune skal arrangera fleire temasamlingar. Oversyn over desse og påmeldingsinformasjon finn du her.