Kunne du eller barna dine tenkja dykk å halde på med musikk, kunst, dans eller teater? Kva korpsintrument kunne vore kjekt å spele? Eller er de meir interesserte i å lære eit bandinstrument? Eller er det nokon heilt anna de skulle ynskje at kulturskulen kunne tilby?
Sogn kulturskule skal vere ein kulturskule for alle. Gjennom opplæring i kommunane Sogndal og Luster gir me opplevingar for både elevane og lokalsamfunnet. For å kunne gje eit best mogeleg tidlbod, har me laga ei kort spørjeundersøking som me håper mange av innbyggarane i Sogndal og Luster vil svara på.
Det er også sendt ut ei intern undersøking til elevar og føresette i kulturskulen via speedadmin. Dei treng ikkje svara på den generelle undersøkinga.
Frist for begge undersøkingane er 31. mars 2025.
Spørjeundersøking for Sogn kulturskule
Skulebesøk
Sogn kulturskule har denne månaden vore på besøk på skulane. På skulebesøka fekk elevane ein smakebit på kva kulturskulen har å tilby av aktivitetar. Om de ønskjer meir informasjon om kulturskulen, kan de besøke nettsida til Sogn kulturskule. Her kan de finne informasjon om kva tilbod kulturskulen har, prisar, gratisplassar, med meir.
Søknadsfristen er 19. mai.