Marknads og arrangementsansvarleg på Sogndal kulturhus, Pelle Hågvar, mottok onsdag 22. mai prisen Årets Eldsjel frå sjølvaste Riksteateret.
Blant 75 arrangørar var det Pelle som til slutt stakk av med den gjeve prisen. Frå dei panegyriske linjene som følgjer med prisen heiter det mellom anna at «Det er ikke den ting denne ildsjel ikke kan innfri, være seg av teknisk karakter eller annet!»
Pelle fekk prisen tildelt under Riksteateret sitt årlege arrangørseminar i hovudstaden.
- Det var totalt uventa å få ein so gjev pris. Det er veldig rørande å bli sett slik pris på, seier prisvinnaren sjølv i ein kommentar.
Det er svært stor stas for Sogndal kulturhus at vi har Pelle i staben, og det er tydeleg at innsatsen hans vert lagt merke til og sett stor pris på i bransjen.
