Helsestasjon

• Helsesjukepleiar
• Jordmor
• Psykiatrisk sjukepleiar
• Lege
• Fysioterapeut
• Barnekoordinator
• Psykolog

• at foreldre opplever meistring i foreldrerolla
• å bidra til godt samspel mellom foreldre og barn
• å fremma fysisk, psykisk og sosial utvikling hos sped- og småbarn, skulebarn og ungdom
• å forebygga, avverga og avdekka vald, overgrep og omsorgssvikt
• å avdekka fysiske og psykiske utviklingsavvik tidleg
• å bidra til at barn får oppfølging og vert tilvist vidare ved behov

Balestrand helsestasjon
Besøksadresse: Kong Beles veg 6

Leikanger helsetasjon
Besøksadresse: Ohnstadhaugen

Sogndal helsestasjon
Besøksadresse: Plassen 2 (Sogndal helse- og omsorgssenter, 2. etasje)

Helestasjonen brukar DigiHelsestasjon, som betyr at du kan kommunisera med oss via Helse Norge. Du loggar du deg inn og kan sjå timeavtalar og be om og avbestilla timar.

I Sogndal kommune skal det vera søkjelys på barn og unge sin trivsel. Kommunen skal vera ein trygg stad å veksa opp i, men stundom kan ein likevel oppleva utfordringar og vanskar. Då er det ekstra viktig å bli sett og høyrt av trygge vaksne som kan hjelpa.

Sogndal kommune har frå hausten 2020 teke i bruk Betre tverrfagleg innsats (BTI) som den samhandlingsmodellen skulane og barnehagane skal bruka i arbeidet med barn og unge. Er du bekymra for eit barn, eller er du eit barn eller ein ungdom som har lyst til å snakke med nokon? Det er då viktig å vita korleis du skal gå fram for å oppsøka hjelp, enten du er barn, ungdom, vaksen eller tilsett. 

Meir informasjon om Betre tverrfagleg innsats: Sogndal – BTI – Betre tverrfagleg innsats for barn og unge i Sogndal kommune (betreinnsats.no)
 

Kommunepsykolog oppvekst arbeider for god psykisk helse hos barn og unge og har eit nært samarbeid med andre yrkesgrupper som arbeider med gravide, barn, ungdom og deira familiar. Kommunepsykolog jobbar etter felles samhandlingsmodell - BTI.

Kven kan få hjelp av kommunepsykolog? 

Ved tidleg innsats kan ein førebyggje at psykiske plagar veks seg store.  Kommunepsykologen tilbyr ei gratis lågterskelteneste for barn og ungdom i alderen 0-18 år i Sogndal kommune. Dersom du som forelder er bekymra for ditt barn si psykiske helse, utvikling, trivsel og åtferd, eller du som ungdom opplever eit psykisk strev eller treng nokon å snakke med kan kommunepsykologen bidra med hjelp og oppfølging. 

Korleis komme i kontakt med kommunepsykolog? 

Kommunepsykolog oppvekst er tilknytt helsestasjonen og har tett samarbeid og dialog med helsesjukepleiarar. Foreldre, barn og ungdom kan ta kontakt med helsestasjonen eller helsesjukepleiar på skulen for å komme i kontakt med kommunepsykolog. 

Me har tilbod om vaksinering til deg som skal reise utanlands.

Ta kontakt med helsestasjon for timebestilling i god tid før du skal reisa.

Meir informasjon finn du på nettsida Reisevaksiner - Helsenorge