Opplæring i norsk og samfunnskunnskap

Me tilbyr norsk- og samfunnskunnskapsopplæring i Sogndal og Balestrand. 

Innvandrarar mellom 18 og 67 år som har fått innvilga ein opphaldstillatelse som nemnt i § 27 i integreringslova har rett og plikt til å delta i opplæring i norsk og samfunnskunnskap. Opplæringa skal bidra til at vaksne innvandrarar får moglegheit til å vere aktive deltakarar og bidragsytarar i familie-, samfunns- og arbeidsliv. 

Opplæringa er gratis for dei med rett og plikt til opplæring i inntil 3 år. Arbeidsinnvandrarar må betala for undervisninga. 

Du må vere folkeregistrert i Sogndal kommune før inntak til opplæring.

Prøver

Norskprøve

Norskprøven er delt inn i fire delprøvar. Desse delprøvane er lese-, lytte- og skriveprøve, samt munnleg prøve. Lese-, lytte- og skriveprøva gjennomfører du på ei datamaskin ved prøvestaden. Ved påmelding til norskprøva må du velge korleis språknivå du skal ha. Prøven testar om du kan bruke norsk på måtar du har bruk for i dagleglivet, i utdanning og i arbeidslivet. Prøven testar ikkje faktakunnskap. Du skal vise at du kan bruke språket til å forstå det du høyrer og les, og til å uttrykke deg munnleg og skriftleg.

På denne norskprøva er A1 det lågaste språknivået og B2 er det høgeste språknivået. Gjennomføringa av prøva blir fordelt på to dagar, ein dag skriftleg og ein dag munnleg.

Samfunnskunnskapsprøve

Om du skal søke permanent opphald, kan du ta samfunnskunnskapsprøva. Prøva er også ein del av introduksjonsprogrammet for innvandrarar. Samfunnskunnskapsprøva kan tas på eitt av 23 ulike språk. Du velger språk når du skal ta prøven på prøvestaden. Oppgåva består av 38 spørsmål, du må ha minst 26 riktige for å bestå prøva. Du kan ha både rett og plikt til å ta prøva. Dei med rett og/eller plikt til opplæring i samfunnskunnskap har rett til ein gratis prøve. Har du ikkje rett til gratis prøve, må du betale for prøva og melde deg på sjølv. 

Statsborgarprøve

Om du skal søke om norsk statsborgarskap, må du ha bestått enten statsborgarprøva eller samfunnskunnskapsprøva på norsk. Statsborgarprøva og samfunnskunnskapsprøva har samme pensum, men statsborgarprøva har eit litt lågare språknivå på norsk enn samfunnskunnskapsprøva. Statsborgarprøva består av 36 oppgåver, du må ha minst 24 riktige for å bestå prøven. Prøva varar 1 time. Du må betale for prøva og melde deg opp sjølv.

Du kan lese meir om prøvene, datoar og påmelding til prøve ved å trykke ctrl + klikk på overskriftene.

Realkompetansevurdering

Me tilbyr realkompetanevurdering i Sogndal kommune. Frå hausten 2025 opnar me også opp for å tilby realkompetansevurdering for andre kommunar i regionen.

Søknadsskjema for realkompetansevurdering finn du nederst på sida under Skjema. Spesifiser kvifor du treng realkompetansevurdering. Søknaden din vil bli vurdert av Sogndal opplæringssenter.

Førebuande opplæring for vaksne (FOV)

Førebuande opplæring for vaksne er for dei som ikkje har fullført grunnskuleudanning, som ikkje har dokumentert grunnskuleutdanning eller dei som treng meir grunnskuleopplæring. 

Opplæringa vert gitt i følgande modular: Grunnmodul, modul 1, modul 2, modul 3 og modul 4. 

Sjå lenkje nederst på sida for å lese meir om modulstrukturert opplæring.

Individuell tilrettelagt opplæring

Førebuande opplæring er også for dei som treng førebuande opplæring i grunnleggjande ferdigheiter. Dei som har rett til opplæring i grunnleggjande ferdigheiter får individuell tilrettelagt opplæring etter sakkunig vurdering frå PPT. 

§18-2. Rett til førebuande opplæring for vaksne

Dei som treng førebuande opplæring i fag eller i grunnleggjande ferdigheiter, men ikkje lenger har rett til grunnskuleopplæring etter §2-1, har rett til førebuande opplæring for vaksne. 

Søkjarar har mellom anna rett til førebuande opplæring dersom dei ikkje har fått tilfredstillande opplæring før, dersom dei treng opplæring i fag eller grunnleggjande ferdigheiter som ikkje var del av læreplanen då dei fekk grunnskuleopplæring, og dersom dei treng ny opplæring på grunn av skade eller sjukdom... jf Opplæringslova.

Du må søke deg inn til forberedande opplæring for vaksne via skjema nederst på sida. Spesifiser i søknaden din kvifor du treng grunnskuleopplæring og/eller opplæring i grunnleggjande ferdigheiter.