Hukommelsesteama i Sogndal og Luster kommune invitera årleg til kurs for pårørande til personar med minnesvikt/demenssjukdom. Kurset arrangerast i samarbeid med Frisklivssentralen Sogn og Indre Sogn demensforening og er gratis.
Kurset er eit tilbod til deg som har eit familiemedlem, ein ven eller kjenning med demenssjukdom. Minnesvikt og endra veremåte er vanlege symptom ved demenssjukdommar. Gjennom førelesingar, plenums- og gruppesamtalar får du kunnskap om demenssjukdommar, og kva følgjer sjukdommen kan ha for personen med demens og for deg som pårørande. Du treff andre pårørande i same situasjon og fagpersonar med kompetanse på området.
Kursinnhald:
- Pårørandeforteljing
- Fysisk aktivitet og demens
- Kommunikasjon med personar som har demens
- Hjelpemiddel, tilrettelegging i heimen og velferdsteknologi
- Tilbod i kommunen i regi av offentlege og frivillige organisasjonar
- Korleis ivareta eiga psykisk helse som pårørande
- Sjukdomslære - fastlegen si rolle
- Erfaringsutveksling
Praktisk informasjon om kurset:
Oppstartsdato for kurs i 2024 er: 16.januar kl.18.00 til 21.30.
Kurset går over 5 samlingar, og kvar samling varar ca. 2,5 time.
Samlingane inneheld dagens tema, matpause og samtale med utgangspunkt i dagens tema eller om demens generelt. Påfyljande kursdatoar er: 30.januar, 13.februar, 27.februar og 12.mars kl.18-20.30.
Påmelding innan 12.januar via denne lenka:
https://forms.office.com/Pages/ResponsePage.aspx?id=YrhcqoW_N02hSU68akS37x8RGzAdXJ1MrIoRmamhii5UN0NaM1hMWFNEWlk4MTBNU1paTDE3OUtGQS4u
Ved spørsmål kan du ringe:
95893641 (Frisklivssentralen)
40410786 (Hukommelseteamet Sogndal/Balestrand)
48954941 (Hukommelseteamet Leikanger)
48253698 (Hukommelseteamet Luster)
Gode nettsider:
Pårørande demens- aldring og helse
Å vere pårørande til person med demens (HelseNorge)
Råd frå fagfolk- demenslinja (Nasjonalforeningen for folkehelse)
Generelt om rettigheitar til pårørande (HelseNorge)
