Hjelp og støtte til å meistre eigen situasjon kan vere viktig for mange. I Sogndal kommune er det fleire stader du kan ta kontakt dersom du treng nokon å snakke med.
Vedtak om pårørandestøtte frå kommunen
Dersom du gir omsorg til nokon som treng det, kan du be om at kommunen skal setje inn tiltak som gjer omsorgsbyrda di lettare. Dei ulike tiltaka kommunen kan setje inn, blir kalla pårørandestøtte.
Omsorgsstønad, avlastingstiltak og opplæring/ rettleiing er døme på pårørandestøtte.
Vilkår for å få pårørandestøtte
- Særleg tyngande omsorgsarbeid
Mange gir omsorg og hjelp til sine næraste, utan at dette nødvendigvis blir rekna som «særleg tyngande». Når kommunen skal vurdere om omsorgsarbeidet er særleg tyngande, vil vi mellom anna legge vekt på:
- Kor mange timar omsorg du gir per månad
- Om omsorgsarbeidet er meir fysisk eller psykisk belastande enn det som er vanleg
- Om omsorgsarbeidet inneberer mykje arbeid på natt eller gir deg avbrot i nattesøvn
- Om det er behov for omsorgsarbeid i periodar eller heile tida
- Om omsorgsarbeidet fører til isolasjon og mangel på ferie og fritid
- Om du har omsorgsplikt for den du gir omsorg til, altså om det er ditt mindreårige barn
- Om du taper inntekt som følgje av den omsorga du gir
- Kor lenge omsorgsarbeidet har føregått, eller kor lenge det er forventa å vare
- Kor mange timar omsorg du gir per månad
- Naudsynte helse og omsorgstenester
Det er berre oppgåver som blir rekna som naudsynte helse- og omsorgstenester som blir lagt til grunn når kommunen vurderer om du skal få pårørandestøtte. Det er ein føresetnad at omsorgsytaren gjennomfører omsorgsoppgåver som elles ville høyre til helse- og omsorgstenesta i kommunen.
Døme på helse- og omsorgstenester kan vere hjelp til personleg pleie som kroppsvask og mating, naudsynt bistand til innkjøp, matlaging og reingjering.
Det er utfordrande å gje ei nøyaktig beskriving av kva som er naudsynte helse- og omsorgstenester. Kommunen skal tilby tenester på eit forsvarleg nivå, basert på ei individuell helse- eller sosialfagleg vurdering av den enkelte sitt behov. Det vil difor variere kva som blir rekna som naudsynte tenester i kvar enkelt sak.
Ulike typar pårørandestøtte
- Avlasting
Føremålet med avlasting er å forhindre at du blir overbelasta, og gje deg moglegheit til å få naudsynt og regelmessig fritid og ferie, samt gje deg moglegheit til å delta på vanlege aktivitetar. Det er mange måtar å organisere avlasting på. Avlasting er kostnadsfritt.
- Omsorgsstønad
Dersom du har særleg tyngande omsorgsarbeid, kan du søkje om omsorgsstønad. Stønaden skal gje noko økonomisk kompensasjon for det private omsorgsarbeidet du utfører. Det er kommunen som avgjer om du får omsorgsstønad, og kor mykje du får.
- Opplæring og rettleiing
Du som har særleg tyngande omsorgsarbeid har rett til å få opplæring og rettleiing i rolla som pårørande og omsorgsyter. Dette kan til dømes vere opplæring og rettleiing i:
- korleis du kan ta i vare den du gir omsorg til på ein forsvarleg måte
- korleis du kan jobbe førebyggjande med helsesituasjonen din
- kva rettigheiter du har som pårørande
- kva pårørandetilbod som finst
- korleis du kan ta i vare den du gir omsorg til på ein forsvarleg måte
- korleis du kan jobbe førebyggjande med helsesituasjonen din
- kva rettigheiter du har som pårørande
- kva pårørandetilbod som finst
- korleis du kan ta i vare den du gir omsorg til på ein forsvarleg måte
Korleis søkje om pårørandestøtte
Du kan sende inn søknad via
- digitalt/ elektronisk søknadsskjema
- søknadsskjema i papirformat
Gå til skjema du kan skriva ut
I søknaden er det fint om du gir oss informasjon om kva utfordringar den du gir omsorg til har, kva oppgåver du utfører og omfanget av hjelpa. Det er også fint om du prøver å forklare på kva måte omsorga du gir er belastande på deg. Hugs at du må innhente samtykke frå den du gir omsorg til, før du sender inn søknad (dersom den hjelpetrengande er over 16 år).
Dersom du treng rettleiing, kan du ta kontakt med tildelingskontoret i telefontida.