Heimesjukepleie

Du får hjelp og rettleiing så lenge du har behov for det. Vi er opptekne av at du skal vere mest mogleg sjølvhjelpen, og dermed klare deg sjølv lengst mogleg i eigen heim. Tenester du får skal hjelpe deg til å oppretthalde eller få tilbake evna til å utføre aktivitetar sjølv.

Å utføre kvardagsaktivitetar er viktig for å bevare helsa og sjølvstendigheita. Vi kan hjelpe deg slik at du i større grad kan meistre daglege gjeremål sjølv.

• Helse– og omsorgstenester i alle livsfasar 
• Ernæring, tilrettelegging av måltid og oppfølging av ernæring
• Administrering og oppfølging av medisinar
• Sjukepleiefagleg oppfølging, t.d injeksjonar, sårbehandling, medisinske prosedyrar
• Personleg stell og pleie
• Rehabilitering i heimen

• Du får ei fagleg og individuell vurdering av dine behov
• At vi er orientert om din situasjon og dine behov
• Du og heimen din blir behandla med respekt
• Vi har på oss uniform og har synleg legitimasjon
• At vi overheld teieplikt
• At vi har tilsette med fagleg kompetanse som sjukepleiar og helsefagarbeidar
• At det nokre gonger kjem assistentar, lærlingar og studentar heim til deg
• At våre tilsette, har ulik etnisk bakgrunn, kjønn og alder
• At vi tilstreber å komme til tidspunkt du ynskjer, men akutte eller uforutsette hendingar kan føre til forsinkelsar
• På helg og heilagdagar kan oppgåver utgå eller bli flytta grunna redusert kapasitet i tenesta
• Tryggleiksalarm brukast kun ved behov for akutte omsorgsoppgåver. Oppstår akutt sjukdom, ring legevakt 116117 eller 113.

• Du utfører sjølv dei aktivitetane du meistrar
• Du samarbeider og gir informasjon som kan bety noko for ditt hjelpebehov
• Du kontaktar avdelingsleiar for heimetenesta om du ikkje er nøgd med tenestene du mottek
• Du respekterer vår teieplikt
• Du/dine pårørande gir beskjed til oss i god tid dersom du må endre avtale eller ikkje er heime i tidsrommet heimesjukepleia kjem til deg
• Du vil få tilbod om ernæringskartlegging og vekt. Dersom du ynskjer det, må du ha ei vekt tilgjengeleg i heimen
• Du har til ein kvar tid hygiene/toalettartiklar tilgjengeleg
• Dersom du får oppfølging knytt til ernæring, må du sørge for at du har mat tilgjengeleg til ein kvar tid. Dersom du eller nærpersonar har utfordringar med å gjere innkjøp, kan dette søkast om
• At du sørger for så langt det er mogleg at vi enkelt og trygt kjem fram til bustaden din. Det skal vere lys utvendig på huset og framkommeleg på private vegar. På vintertid skal det vere brøytt, og strødd dersom behov.
• Du er villig til å ommøblere og installere hjelpemiddel i heimen når det er nødvendig
• Du ikkje røyker medan vi er på besøk
• Du sørger for at husdyr oppheld seg i eit anna rom
• Du/dine nærpersonar sjølv tek ansvar for å bestille timeavtalar og transport til fastlege, tannlege, sjukehus osb. Den som har kalla deg inn til helseoppfølging har ansvar for å bestille transport dersom du har behov for det. Kontakt Pasientreiser for refusjon.